მუჭანახევარა » LoveMovies.Ge - ფილმები და სერიალები ქართულად
LoveMovies.Ge







მუჭანახევარა


აღწერა:
მუჭანახევარა / muchanaxevara

ერთხელ ცოლ-ქმარმა ქოთნით ლობიო მოხარშა და აღმოჩნდა, რომ მარილი არ ჰქონდათ. ქმარი ქალაქში წავიდა მუჭანახევარი მარილის საყიდლად და რომ არ დავიწყებოდა - მუჭანახევარიო, გაიძახოდა.

გზად, ყანაში მთესველს პური დაეთესა და იძახდა, ერთი ათასადო. მარილის მყიდველის "მუჭანახევარი" რომ მოესმა, გადმოუხტა და მიბეგვა. მერე გაკვირვებულს უთხრა, მუჭანახევარი კი არა, ერთი ათასად უნდა გეთქვაო.

გააგრძელა კაცმა გზა და გაიძახის - ერთი ათასადო. ამ დროს მიცვალებულს მიასვენებდნენ, ჭირისუფლებს ეს რომ მოესმათ, ეცნენ საცოდავს და კარგად მიტყიპეს. მერე ასწავლეს, უნდა მოსულიყავი და გეთქვა - ეგ ამბავი პირველი და უკანასკნელი ყოფილიყოსო.
წამოვიდა მუჭანახევარა და ახლა მექორწილეები შემოხვდა, მანაც ქუდი მოიხადა და დაუძახა: - პირველი და უკანასკნელი ყოფილიყოსო. მაყრებმა ძვალ-რბილი გაუერთიანეს. საცოდავმა რომ იკითხა, აბა, რა უნდა მეთქვაო, "ნეფეს გაუმარჯოსო" - ასწავლეს.

ლასლასით გააგრძელა გზა მუჭანახევარამ და იმ დროს დასჭექა "ნეფეს გაუმარჯოსო", მონადირე მტრედებს რომ უმიზნებდა. დამფრთხალი ჩიტები გაფრინდნენ, მონადირემ კი სულ თოფის კონდახი ურტყა. მერე დაარიგა, კი არ უნდა გეყვირა, უნდა დაკუზულიყავი და ისე უნდა გაგევლოო.

მიდის მუჭანახევარა, დაკუზული მიიპარება. ოთხ კაცს ფულით სავსე ქისა დაეკარგა და ეძებდა, მუჭანახევარა რომ დაინახეს, იფიქრეს, ქურდი ესააო, ეცნენ და ისე დაბეგვეს, საწყალმა ფეხები ძლივს მიათრია შინამდე.filmebi qartulad
საიტზე განთავსებულია ფილმები, სერიალები, ტელევიზია, რომელთა ონლაინში ნახვა შეგიძლიათ LOVEMOVIES.GE-ზე

© 2018-2021

LoveMovies.Ge

filmebi qartulad Turquli Serialebi ფილმები ქართულად განათავსე ლინკი

რეგისტრაცია