მეფის ანდერძი » LoveMovies.Ge - ფილმები და სერიალები ქართულად
LoveMovies.Ge






მეფის ანდერძი

აღწერა:
მეფის ანდერძი / mefis anderdzi

ერთმა მეფემ სიკვდილისწინ თავისი ძე დაიბარა და უთხრა: - ერთი რამე დაიმახსოვრე: ქოსა კაცი სამეფოში არ შემოუშვაო. მოკვდა მოხუცი მეფე და გამეფდა მისი ძე. ახალგაზრდა მეფეს ისე სძულდა ყველა ქოსა, რომ სახელის ხსენებასაც ვერავინ ბედავდა.
ერთ დღეს მეფეს ვიღაც ქოსა ესტუმრა და ყვავილების თაიგული მიართვა. მეფემ იგი პანღურით გააგდებინა და მაგრადაც აცემინა, მაგრამ მერე შეეცოდა და მსახურებს უბრძანა: - ნუ მოკლავთ, ცოდოა, მოასულიერეთ და მერე გააგდეთო!

უფროსმა მზარეულმა წაიყვანა და დროებით პატარა ფარდულში დააბინავა. ქოსა ძალიან ეშმაკი გამოდგა, ისეთი გემრიელი საჭმელების კეთება დაიწყო, რომ მეფე იმის მეტს არაფერს ჭამდა. მზარეულთუხუცესსაც მოეწონა ქოსა და დამხმარედ დაიტოვა. ქოსამ ახლა ჭადრაკის თამაშს მიჰყო ხელი, ისე კარგად თამაშობდა, ვერავინ ჯობნიდა. მეფის ვეზირსაც უყვარდა ჭადრაკის თამაში, კარგადაც იცოდა, მაგრამ ქოსას ვერაფრით მოუგო. ქოსას ქებამ, მეფემდეც მიაღწია. დაინტერესდა მეფე, დაიბარა ქოსა და ვეზირი და ჭადრაკში გააჯიბრა. ქოსამ აჯობა ვეზირს. გავიდა დრო, ქოსამ ისე მოხიბლა მეფე, რომ ვეზირად დანიშნა და ძალიან ენდობოდა.

ერთ დღეს მათ სამეფოს მტერი შემოესია, მეფე დამარცხდა და იძულებული გახდა, ქვეყნიდან წასულიყო. მეფემ ორ ცხენს თვალ-მაგრალიტი და ძვირფასეულობა აჰ
კიდა, ერთზე თავად შეჯდა, მეორეზე - ქოსა და გაემგზავრნენ. მიადგნენ უცხო სამეფოს, ქოსა ვეზირმა მეფეს ურჩია: - შენ ახალგაზრდა ხარ, მე კი ხანდაზმული, ვინმეს რომ უთხრა, შენ ბატონი ხარ და მე ყმა, არავინ დაგიჯერებს. მოდი, ვთქვათ, ვითომ მე შენი პატრონი ვარ, შენ კი ჩემი ყმაო.
მეფემ დათანხმდა, თან დააყოლა: - ახია ჩემზე! როცა კაცი მამის ანდერძს არ შეასრულებს, უარესი დაემართებაო!

სიტყვების ახსნა:
ქოსა - უწვერულვაშო
ფარდული - ხის პატარა სადგომი
მზარეულთუხუცესი - უფროსი მზარეული
ხანდაზმული - ხანში შესული, ასაკოვანიfilmebi qartulad

საიტზე განთავსებულია ფილმები, სერიალები, ტელევიზია, რომელთა ონლაინში ნახვა შეგიძლიათ LOVEMOVIES.GE-ზე

© 2018-2021

LoveMovies.Ge

filmebi qartulad Turquli Serialebi ფილმები ქართულად განათავსე ლინკი

რეგისტრაცია