ბიჭი და თევზი » LoveMovies.Ge - ფილმები და სერიალები ქართულად
LoveMovies.Ge






ბიჭი და თევზი

აღწერა:
ბიჭი და თევზი / bichi da tevzi

დიდი ხნის წინათ ტყისპირა ქოხში ცხოვრობდა ერთი ცოლ-ქმარი. მათი პატარა ვაჟიშვილი მთელ დღეს ტოლებთან თამაშში ატარებდა. საღამოობით კი მამა წერა-კითხვას ასწავლიდა. ერთხელ დედამ უთხრა ბიჭს: - მომისმინე, შვილო, ახლა უკვე დიდი ხარ და დროა, მამაშენს მიეხმარო ოჯახის რჩენაში. დღეს უსადილოდ ვართ, წადი ზღვის პირას, იქნებ თევზი დაიჭიროო. ბიჭმაც აიღო ბადე და გაემართა ზღვისკენ. გადაისროლა ბადე ზღვაში და როცა ამოსწია, ნახა, რომ შიგ ულამაზესი პატარა თევზი გაბმულიყო - ოქროსფერი, წითელი და ცისფერი გადაჰკრავდა. თევზმა სევდიანად შეხედა ბიჭს, ენა ამოიდგა და ადამიანის ხმით შეეხვეწა: - გამიშვი ზღვაში, ბიჭიკო! ამ სიკეთისთვის მე ჯადოსნურ მაკრატელს მოგცემ. რასაც კი იმით გამოჭრი, ყველაფერი ნამდვილ ნივთებად გადაიქცევაო. ბიჭს გაეცინა, მაგრამ თევზი მაინც შეეცოდა და ისევ ზღვაში გაუშვა... და უცებ მის ხელში მაკრატელი გაჩნდა! გაკვირვებით მიიხედ-მოიხედა ბიჭმა. ამ დროს ხიდან დიდი, ყვითელი ფოთოლი ჩამოვარდა, მიირბინა ბიჭმა, აიღო და იმ ფოთლიდან პატარა სახლი გამოჭრა. ხედავს - იზრდება ეს სახლი, მაღლა-მაღლა მიდის, ბოლ­ოს ერთ უზარმაზარ ოქროს სა­სახლედ გადაიქცა, მხოლოდ გარშემო სულ სიცარიელე იყო და სასახლე ობლად გამოიყურებოდა. მაშინ ბიჭმა სხვა ფოთლებიც შეკრიბა: ზოგი ყვითელი, ზოგი წითელი, ზოგიც ყავისფერი და დაიწყო მათგან ყვავილების, ბალახისა და ხეების გამოჭრა. მალე იქვე, ოქროს სასახლის გარშემო აყვავებული ბაღი გაჩნდა. გაიქცა ბიჭი შინ. ქაღალდისგან ტანსაცმელი გამოჭრა თავისთვის, დედ-მამისთვისაც და უცბად ყველანი ხავერდისა და აბრეშუმის სამოსში გამოეწყვნენ. დაბინავდნენ ოქროს სასახლეში და მდიდრული ცხოვრება დაიწყეს. გავიდა რამდენიმე ხანი. ბიჭი დანაღვლიანდა. ბაღიდან აღარსად უშვებდნენ მშობლები, ტოლ-მეგობრებთან თამაშის ნებას აღარ აძლევდნენ. ყველას ჩამოსცილდა. დედა ყოველ წუთში უბრაზდებოდა: - ტანსაცმელს გაუფრთხილდი, ქვიშაში ნუ გორაობ, არ გაისვარო, ეს არ გააკეთო, ის არ გააკეთოო! აღარც ტყეში უშვებდნ­ენ მშობლები, აღარც მინდ­ორ-ველად. ზღვაზე ხომ სულ აუკრძალეს სიარული. დედამისი შიშობდა, ვაითუ იმ თევზმა ჯადოსნური მაკრატელი უკანვე წაგართვასო. მობეზრდა ბიჭს ასეთი ცხო­ვრება. შორიდან ბავშვების სიცილი და ჟრიამული ესმოდა ხოლმე, თვითონაც უნდოდა ეთამაშა, ტყეში ფიჩხის მოსატანად წასულიყო, ან მამას მიხმარებოდა სამუშაოზე. ადგა და ერთ ღამეს ჩუმად გაიპარა თავისი ოთახიდან. ფრთხილად გაიარა ბაღი და ზღვასთან მიირბინა. იქ კი, რაც ძალი და ღონე ჰქონდა, დაიძახა: - ჩემო თევზო, ოქროსფერ-წითელ-ცისფერო! სადა ხარ? ოქროს სასახლე მომბეზრდა, მიშველე, ჩემო კეთილო, დამიბრუნე ჩემი ძველი ცხოვრებაო! იმწუთასვე მოცურდა ფერადი თევზი და ბიჭს უთხრა: - აგისრულდეს ეგ თხოვ­ნა, ჩემო პატარა მეგობარო! შენ ახლა მდიდარიც ხარ და წარჩინებულიც, მაგრამ მართალი ხარ, ქონება და სიმდიდრე თუ შრომით არ მოუპოვებია კაცს, ვერც სიხარულს მოუტანს და ვერც ბედნიერებას. მზის ამოსვლისას მაკრატელი ზღვაში გადააგდე, სამჯერ დაუსტვინე და ისევ ისეთი ბედნიერი იქნები, როგორც წინათ იყავიო. დილის მზემ პირველი სხივები რომ ამოანათა, ბიჭმა ზღვაში გადაისროლა მაკრატელი, თან სამჯერ დაუსტვინა. როცა შინ დაბრუნდა, მათი სასახლისგან კვალიც აღარ დარჩენილიყო. ქოხის კარში კი დედამისი იდგა და, როგორც უწინ იცოდა ხოლმე, თავის ბიჭუნას მოღიმარი ელოდებოდა.

ბულგარული ზღაპარიfilmebi qartulad

საიტზე განთავსებულია ფილმები, სერიალები, ტელევიზია, რომელთა ონლაინში ნახვა შეგიძლიათ LOVEMOVIES.GE-ზე

© 2018-2021

LoveMovies.Ge

filmebi qartulad Turquli Serialebi ფილმები ქართულად განათავსე ლინკი

რეგისტრაცია