სამი ფორთოხალი » LoveMovies.Ge - ფილმები და სერიალები ქართულად
LoveMovies.Ge




სამი ფორთოხალი

აღწერა:
სამი ფორთოხალი / sami fortoxali

იყო და არა იყო რა, იყო ერ­თი ღარიბი, ობოლი გოგონა. საწყალს ძალიან უჭირდა, ხშირად ლუკმაპურიც ენატრებოდა. ერთ დღეს გადაწყვიტა, შორეულ ქვეყანაში გამგზავრებულიყო, ფიქრობდა, წავალ, ქვეყანას ვნახავ, იქნებ ბედს ვეწიო და გავმდიდრდე კიდეცო. ბევრი იარა თუ ცოტა, წინ ერთი ბერიკაცი შემოხვდა. გოგონამ თავისი გასაჭირის შესახებ უამბო და ჩანაფიქრიც გაანდო. - გოგონავ, ძალიან მებრალები, აჰა, გამომართვი, რასაც საჩუქრად გაძლევო. - უთხრა და გოგონას ერთი მუჭა ლურსმანი, ერთი ბოთლი ზეთი, ერთი კალათა პური, ცოცხი და თოკი მისცა, თან დაუმატა: - იქამდე იარე, ვიდრე სასახლეს არ მიადგები. არ შეგეშინდეს, გაბედულად შედი შიგ და სამი ფორთოხალი წამოიღეო.

ბერიკაცმა ეს თქვა თუ არა, გაუჩინარდა, გოგომ კი გზა გააგრძელა. იარა, იარა და მართლაც ღრმა თხრილით გარშემორტყმულ სასახლეს მიადგა. თხრილზე გადებული ძველი ხიდი ყანყალებდა. გოგონამ ამოიღო ლურსმნები და ხიდის ფიცრები მაგრად დააჭედა. ახლა შეიძლებოდა ზედ გავლა, მაგრამ ჭიშკარი უზარმაზარი ურდულითა და ჯაჭვებით დაუხვდა ჩარაზული. ჯაჭვები და ურდული კი ისე ჩაჟანგებულიყო, ძვრასაც ვერ უზამდი. გოგომ ამოიღო ზეთიანი ბოთლი, წაუსვა დაჟანგულ რკინას ზეთი, ჯაჭვს ჟანგი მოსცილდა და ურდულიც გაიხსნა. გაიღო ჭიშკარი და გოგონა ეზოში შევიდა. სასახლ­ეს მშიერი, გაალმასებული ძაღლების ხროვა დარაჯობდა. ძაღლები ისე იღრინებოდნენ და კბილებს ისე აღრჭიალებდნენ, კაცს გული გაუსკდებოდა. გოგონამ ძაღლებს პური დაუყარა. ძაღლებმა პური შესანსლეს და გოგო გაატარეს. ეზოში ერთი საწყალი ქალი დაინახა. ეზოს კაბის კალთით გვიდა. გოგოს შეეცოდა და ცოცხი მისცა. ერთი ქალი კიდევ ჭასთან დაუხვდა. ქალს თავისი გრძელი თმით ამოჰქონდა ღრმა ჭიდან ვედრით წყალი. გოგომ იმას თოკი მისცა და სასახლეში შევიდა. სავარძელში ძალიან მოხუც დედაბერს ეძინა. იქვე, მაგიდაზე, სამი ფორთოხალი იდო. გოგო ფეხაკრეფით მიუახლოვდა მაგიდას, სტაცა ხელი ფორთოხლებს და ის იყო უნ­და გამოქცეულიყო, რომ დედაბერმა გაიღვიძა. დაინახა გაქცეული გოგონა და გამოეკიდა უკან.

მაგრამ გოგო უკვე ჭას­თან იყო მისული. დედაბერმა ჭასთან მყოფ ქალს დაუძახა: - დაიჭირე, მაგან სამი ფორთოხალი მომტაცაო. ქალმა მიუგო: - ამ გოგომ თოკი მომცა, შენ კი წყალს ჭიდან თმით მაღებინებდიო, - და გოგონა გაუშვა. დედაბერმა ახლა მეორე ქალს დაუძახა: - დაიჭირე ეგ გოგო, მაგან სამი ფორთოხალი მომტაცაო. ქალმა მიუგო: - ამ გოგომ ცოცხი მომცა, შენ კი ეზოს კაბით მაგვევინებდიო, - და გოგონა გაუშვა. დედაბერმა ახლა ძაღლებს დაუძახა: - ეცით მაგას, სამი ფორთოხალი მომტაცაო. ძაღლები აყეფდნენ: - ამ გოგომ პური გვაჭამა, შენ კი შიმშილით სულს გვხდიდიო, - და გოგონა გაატარეს. დედაბერმა ახლა ჭიშკარს მიაძახა: - ჭიშკარო, დაიხურე, გოგო არ გაუშვა, სამი ფორთოხალი მომტაცაო. ჭიშკარმა მიუგო: - ამ გოგომ ურდული და ჯაჭვი დაგვიზეთა, შენ კი ჩააჟანგეო, - და გოგონა გაატარა.

დედაბერმა ახლა ხიდს დაუძახა: - ხიდო, ხიდო, ჩატყდი და გოგო თხრილში ჩააგდე. მაგან სამი ფორთოხალი მომტაცაო. ხიდმა მიუგო: - ამ გოგონამ ფიცრები დამიჭედა, შენ კი ჩემი დამტვრევა გინდოდაო, - და გოგონა გაატარა. გოგონამ წამოიღო სამი ფო­რ­თოხალი და წამოვიდა შინისკენ. გზაში ფორთოხლები თან­დათან დამძიმდა. შინ რომ მოვიდა, გოგომ სამივე მაგიდაზე დადო და რას ხედავს! - ფორთოხლები ბაჯაღლო ოქროდ არ იქცნენ?! ასე მოულოდნელად გამდიდრდა ღარიბი გოგონა. მას მერე ბენდიერად ცხოვრობდა და ყველა გაჭირვებულს ეხმარებოდა.filmebi qartulad

საიტზე განთავსებულია ფილმები, სერიალები, ტელევიზია, რომელთა ონლაინში ნახვა შეგიძლიათ LOVEMOVIES.GE-ზე

© 2018-2021

LoveMovies.Ge

filmebi qartulad Turquli Serialebi ფილმები ქართულად multfilmebi განათავსე ლინკი

რეგისტრაცია